GU NOR GAREN

Garbiñe Bereziartua Etxeberria

Azpeitia, 1977

Ikasketak: Musikako Goi Mailako ikasketak, Argazkilaritza, Pedagogiako lizentziatura, Psikodidaktika masterra, “Ingurune euskalduneko gazteak eta hizkuntza idatzia, eskolan eta eskolatik kanpo” tesia Jasone Cenoz-en zuzendaritzapean egina, DREAM (Donostia Research on Multilingualism and Education) ikerketa-taldean.

Lana: musika irakasle Soraluze eta Azpeitiko musika eskoletan (1995-2000), zerbitzari taberna eta jatetxeetan (2000-2010), Azpeitiko Euskara Patronatuan haur etorkinei euskara errefortzua ematea xede duen “EtorkiZUn” egitasmoko koordinatzaile (2014-2016), Mondragon Unibertsitateko HUHEZIn irakasle (2014-2015) eta Euskal Herriko Unibertsitatean irakasle (2014 eta 2016tik hona). Gaur egun EHUren Donostiako Hezkuntza, Filosofia eta Antropologia fakultatean irakasle.

Herrigintzan aritua, besteak beste Azpeitiko Natul Euskara Elkartean.

Euskaldun eleanitza. Zuka bezalaxe hika, bai toka eta bai noka.

Beñat Muguruza Aseginolaza

Irun, 1987

Ikasketak: Ingeles Filologian lizentziatua, eta hizkuntzaren jabekuntzan masterra egindakoa (Language Acquisition in Multilingual Settings, LAMS). 2014an defendatu nuen doktorego-tesia, Ingelesa irakats-hizkuntza testuinguru eleaniztuneko unibertsitatean izenburupean. Jasone Cenoz eta Durk Gorter izan nituen zuzendari, DREAM ikerketa-taldean.

Lana: Mondragon Unibertsitateko HUHEZIn irakasle (2014-15), Bortzirietako Euskara Mankomunitatean teknikari (2015-2016), UNIR online unibertsitatean Hezkuntza Elebiduneko Masterrean irakasle (2016-17), Parisko Sorbona Unibertsitatean euskara irakurle Etxepare Institutuaren eskutik (2016-17), eta orain EHUn dihardut, Euskal Hizkuntza eta Komunikazioa Sailean.

Gainerakoan, Pecozza United punk taldeko gitarra-jotzailea, eta Aitzondo Irungo Euskara Taldeko kide eta sortzaileetakoa.

Hikalari berria, baina gogoa eta pazientzia pixkat dituenarekin erabiltzeko beti prest.