Hitanoa Azpeitian:

erabilera, egoera eta biziberritzeko esku-hartze proposamena

​​Ikerketa hau Azpeitiko hitanoari buruzkoa da. Azpeitia da hitanoa oraindik naturaltasunez erabiltzen den toki gutxietako bat eta, hori aprobetxatuz, gai honen gaineko azterketa sakon bat egin nahi dugu.

Ikerketa egituratu eta aurrera eramateko hiru ikerketa-galdera mahaigaineratu ditugu:

  1. Zein neurritan eta egoeratan erabiltzen da hitanoa azpeitian?

  2. Zein dira bereziki emakumezkoei hitz egiteko erabiltzen den hitanoaren (nokaren) erabilera baxuaren atzean egon daitezkeen arrazoiak?

  3. Zerbait egin al daiteke hitanoa biziberritzeko?

​​​​​Hitanoaren gainean egin izan diren eta egiten ari diren egitasmoak kontuan hartuta, ikerketa honek marko zabalagoko batetatik heldu nahi dio gaiari. Ikerketa-galderei erantzun asmoz, ikerketaren lehenengo fasean hitanoaren erabilera neurtu nahi da modu kuantitatiboan (galde-sorten bidez); bigarren fasean gaur egun hitanoaren egoera den bezalakoa izateko atzetik zein arrazoi egon izan diren aztertu nahi da modu kualitatiboan (kasu-azterketen, elkarrizketen eta talde-eztabaiden bidez); eta hirugarren fasean hitanoa biziberritzeko prozesu parte-hartzaile bat abian jarri nahi da (ekintza-ikerketa metodologia erabiliz).

 

Datuak bildu eta prozesatu ondoren, hemen eskegiko ditugu, ikusi nahi lituzkeenaren eskura.

Horrez gain, emaitza horiek aurkeztuko ditugu hitanoari buruz antolatu dugun EHUko Uda Ikastaroan.

komunikabideetan

Eta hik nola hitz egiten dun/k?

May 03, 2018

Julene Frantzesena, Gipuzkoako Hitza

"Hitanoa Azpeitian" ikerketa hasi dute Bereziartua eta Muguruzak.

July 11, 2018

EUROPA PRESS

Sabino Arana Fundazioak eta Euskaltzaindiak antolatutako mintegiaren berri ematen da.

August 28, 2018

INFO 7 IRRATIA

Gure ikerketari buruzko elkarrizketa.

Azpeitiko hitanoaren inguruko ikerketaren lehen urratsa, eginda

October 09, 2018

uztarria.eus

Uztarria Komunikazio Taldea eta Urola Kostako Hitza Bereziartuarekin eta Muguruzarekin elkartu dira, azterketaren ondorio esanguratsuenak bideo honetan jasotzeko.

Azpeitian hika zenbat eta nola egiten den jakinda, arrazoiak aztertzeko prest

October 09, 2018

uztarria.eus

Azpeitian hika nola eta zenbat egiten den ezagutu zuten atzo, asteartea, Sanagustin kulturgunera bertaratu ziren herritarrek. Bertan, Garbiñe Bereziartuak eta Beñat Muguruzak Hitanoa Azpeitian izeneko azterketaren lehen faseak utzitako emaitzak eta horietatik ateratako ondorioak plazaratu zituzten.

Hitanoa oso bizirik dago Azpeitian gizonen artean; emakumeen artean eragin behar da

August 21, 2019

Euskadi Irratia. Argi ibili.

Hiru fasetatik bi burutu dituzue jada Beñat Muguruzak eta Garbiñe Bereziartuak. Lan horren inguruan, hitanoaren osasunaz, mintzatu zaigu Muguruza 'Argi Ibili' saioan. Hitanoak etorkizunik ba ote duen ere galdetu diogu; zaila da horri erantzuna ematea, baina beste belaunaldi batean behintzat bizirik mantenduko dela uste du Beñat Muguruza Euskal Herriko Unibertsitateko ikertzaile eta irakasleak.

Please reload

|  2018an sortua  |